22 Jun 2015 10:04

Asanga Tlau

Mayweather leh Khan inhnek kan hmu dawn lo

Kumin September thlaa match a neih leh tur chu Floyd Mayweather chuan a inhnek tawpna ber a nih tur thu a lo sawi tawha, he thlaa a inhnekpui tur erawh British boxer Amir Khan a nih loh thu a sawi.

Mayweather hian inhnek vawi khat dang a neih leh hnuah boxing a chawlhsan tur thu a sawi chiang tawha, Khan a'n inhnekpui tum viau mahse Floyd nen an inhmachhawn hman dawn ta lo a ang ta.

Britain welterweight star Khan chuan Mayweather hmachhawn turin a hma zawng aia a that tawh zawk thu a sawi a, amaherawhchu a match hnuhnung ber atan Andre Berto emaw Karim Mayfield chu Floyd hian a thlan hmel ta hle.

Haitian-American boxer Berto hi WBA 'ordinary' interim champion a ni a, a inhnek hnuhnung paruka pathumah te a lo tlawm tawh a. Mayfield ve thung hian nikuma vawi hnih a tlawm hnu khan world title fight a la nei leh lo hrim hrim bawk.

Miguel Cotto nena inhnek nawn leh tur anga an sawi pawh thu belhchian dawl lo a ni tih sawiin Porter leh Keith Thurman te pawh a hmachhawn dawn loh thu Floyd chuan a sawi.

Hneh loh la tawng lo Errol Spence a'n world champion nihna theihna hun remchang a neih theih nan a welterweight belt pathum zinga pakhat chu kum tawp lama a kalsan tur thu Floyd chuan a sawi bawk.