01 Apr 2015 05:41

Inkhel

Mizo Sports Website hmasa ber

Mayweather hi boxer ropui a ni lo - Freddie Roach

May ni 2 a rawn thleng anga, khawvel mit chu Las Vegas-ah a fuh dawn. Pacquiao leh Mayweather te inhnek tur hi khawvelin a nghakhlel tawh hle, hetih lai hian inhmachhawn turte pawh an inbuatsaih tha tak zet.

Pacquiao-a trainer Roach chuan Ropes Boxing a hrilh danin an inbuatsaih nasa hle a, Pacquiao hian sparring pui 6 lai a nei tawh a, heng boxer te hi an tha tak zet a ni tiin Roach chuan a sawi.

Roach chuan,"Mayweather anga tha Pacquiao hian sparring pui mi 6 tha tak tak a nei a, heng zinga pakhat phei hi chu Mayweather-a gym-a hun hmang thin leh Mayweather- camp-a thawk thin a ni. A tha tak zet a ni, tunah chuan ani hi kan secret weapon a ni," tiin a sawi.

Roach hian Pacquiao a chak zawk a ring hle a, Mayweather chu a fight neih tawhah hneh ngei ngei tur a thlan thin thu sawi chhunzawmin,"Mayweather hi hneh loh nei lo leh fighter tha tak a ni tih ka hria. Mahse a record hi en ula, a khelhpui turte a thlang a, boxer tha tak leh hming ropui tak an awm lo. Fighter ropui ka ti thei lovang, Pacquiao hi fighter tha zawk chu a ni e," tiin a sawi.