08 Jul 2015 12:26

Asanga Tlau

Mayweather-a WBO title hlihsak a ni

Boxer ropui title panga lai kawltu Floyd Mayweather chu May thlaa WBO welterweight belt Manny Pacquiao laka a lak hlih sak a ni.

Hetianga WBO (World Boxing Organistaion) in a title an hlihsak nachhan hi July ni 3 hmaa WBO in Pacquiao nena fight an neih buaipuina man $200,000 (£128,000) a pek tlak theih loh vang a ni.

He title hi Pacquiao laka hnehna a chan hnu lawk khan Mayweather chuan thlauhthlak leh mai a tum tih a lo sawi tawha, hetia hlihsak a nih takah hian American boxer Timothy Bradley chu a hrengtu a ni hrih dawn a ni.

Pacquiao a hneh hnu khan Mayweather chuan boxer naupang zawkte tan title lakna chance hawn a duh avangin a title lak tawhte a kalsan dawn tiin a lo sawi tawh a nih kha.

WBO website ah WBO World Championship Committee chuan Floyd Mayweather Jr chu WBO welterweight champion anga hriat a ni tawh lova, a title hi hlihsak a ni ta a ni tiin thuchhuah siam a ni bawk.

WBA leh WBC welterweight title la kawl mektu Mayweather hian July ni 20 thleng he thutlukna siam tawh tih danglam sak tura dilna a thlen theih thu hriatitr a ni bawk.

He welterweight belt inchuhna fight hi 27 June hian wBO chuan a buatsaih nghal dawna, Bradley leh Jessie Vargas ten an inchuh ang.

Source: BBC