22 Aug 2019 02:54

bakteaJr.

Mizo tlangval

​Maywather-a pa in Mayweather-Pacquiao rematch a awm ngei a ring

Floyd Mayweather-a pa Mayweather Snr chuan a fapa Mayweather leh Manny Pacquiao-te chu a vawi hnih nan an inhnek ngei a rin thu a sawi.

Myaweather chuan video tawi ti chhuakin, Mayweather-Pacquiao rematch chungchang sawi ho tura Saudi Arabia a kal tur thu a sawi tawh a, ngaihven a hlawh nghal hle in combat sports ngainatute chuan an inhnek hun tur an ngaihven nasa nghal hle.

Kum 2015 khan boxer pahnihte hi an lo inhnek tawha, Mayweather hi chakin, mi tam tak mit a tlai tawk lo hle a, rematch hmu chak hi a tam zawk an nih pawh a rinawm viau.

Mayweather leh Pacquiao-te hi an naupang tawh lo ve ve a, a upa zawk Mayweather hi kum 42 niin Pacquiao hi kum 40 a ni ve thung.

Mayweather-a pa chuan TMZ Sports a hrilh danin, “An inhnek leh ngei ka ringa, Pacquiao hian inhnek leh a duh phawt chuan an inhnek leh ngei ka ring a ni,” a ti.

Mayweather Snr chuan a fapa-in Pacquiao chu a hneh leh a ring hle a, a hneh a rin leh rin loh chungchang zawhna chhangin, “Ka fapa hian vawi hnih, vawi thum , vawi li emaw vawi nga pawh intum se a hneh vek ang,” a ti.