​Match hnih aia tam Neymar hrem dawn ?

19th June 2015, 06:06AM

2015 Copa America-a an match hnihnaah Brazil chuan si khat faiin Colombia an hneh lo. June ni 18 zingkara inkhel rorum takah Neymar chuan hun tawp hnuah red card a hmu a, direct red card a nih avangin match hnih chu a chawlh ngei a ngai dawn a, a khawsak dan kha thuneitu ten an enfiah anga, match dang pawh an la hrem leh ngei rin a ni.

Hun tawp rualin Neymar chuan kawh zetin Colombia player Pablo Armero chu ball-in a pet per a, he a khawsak dan avang hian Murillo chuan a va zilh a, Neymar chuan a lo tauh ? bawk a ni. Bacca lawmlo chuan Neymar chu a rawn nam leng dawr a, referee chuan Neymar leh Bacca te hi direct red card a pe ta a ni.

Neymar hi Group C-a an match hnuhnung ber Venezuela an hmachhawn hunah a inlan thei dawn lova, Brazil Captain hian quarter final an lut a nih chuan quarter final a khel thei dawn lo bawk a ni.

Conmebol Disciplinary Tribunal te chuan Zirtawpni hian Neymar chungchang an ngaihtuah dawn a, an hrem belh a nih phei chuan Brazil tan Neymar hian tha a thawh hleithei dawn ta lo tihna a ni. Neymar chuan kha match-ah khan match official te chu a dem hle a, a chunga rorelna an lek dan a dem hle a, Neymar-a team-mate Dani Alves pawhin referee Enrique Osses a dem hle bawk a ni.

Copyright © inkhel.com 2024. All rights reserved.