15 Feb 2020 11:46

inkhel

MATA GB leh MATA Award

February ni 15, 2020 (Inrinni) khan Mizoram Amateur Taekwondo Association chuan MATA Hall-ah General Body Meeting neiin kumin chhunga MATA calendar tur an pass a, kum 2019 chhunga MATA Award chi hrang hrang paruk(6) dawngtute hnenah Citation pek a ni.

MATA chuan kum 2020 chhungin State Championhip chi 3, Mizoram Official, Mizoram Open, Inter School te buatsaih an rel a, boruak siam tak TFL erawh kumin hi an neih loh kum a ni dawn thung. Tin, Regular National Championship tel vek an rel a, Taekwondo Federation in siam thatna atana pawl hming thara Indian Olympic Association in a siam INDIA TAEKWONDO chu GB chuan lungrual takin zawm turin an pawm bawk.

Tin, MATA chuan kum 2019 chhunga an dinhmun leh achievement te enin Award sem a ni nghal a. Kum 2018 Best Taekwondoist dawngtu Arjun Pandey chu Best Instructor Award a dawng leh a. 2019 Best Referee & 2018 Best Taekwondoist dawngtu Vanlalhmangaihthangi chu Best Referee Award a dawng nawn a, Player chherchhuak tha club ber atan Exudus English School thlan a ni a.An ni hian kum 2019 khan Best School Award a lo dawn tawh bawk. Tin, District Association che tha berah Kolasib leh pelin serchhip District Association in an dawn thung.

MATA General body Meeting hi President Prof.Rualkhuma Colney in a kaihruai a. Pu Lalhmunsanga Asst.General Secretary report pe a, General Secretary Pu Joseph thansangan MATA AWARD 2019 kalphung sawiin semna an nei zui ani.

MATA Award 2019 dawngtute chu:

Best Instructor of the Year : Arjun Pandey (MZU/AVSTC)

Best Taekwondoist(Male) of the Year :Lalthlamuanpuia(RVTTC)

Best Taekwondoist(Female) of the Year: Kaplianzawni(RSC)

Best Referee of the Year :Vanlalhmangaihthangi(AVTA)

Best District Association of the Year: Serchhip Amateur Taekwondo Association

Best Club of the Year :Exodus English School