Manchester United midfielder Juan Mata chuan a hnampui De Gea chu United a la cham chhunzawm zel turin a duh tih sawiin a chhuak tho tho a nih pawhin a hriattham tur thu a sawi.

De Gea hian Old Trafford ah contract damlai kum khat daih a la neia, amaherawhchu tun nipui hian United chhuahsana Real Madrid lam a pan mai a rinawm tawh hle.

Spanish newspaper Marca ah Mata chuan De Gea chanchin mi hian min zawt nasa thei khawp mai, ka thian a ni a, a hlim ka duhsak ber a ni. Khawvela goalkeeper tha berte zing mi a ni a, ani nena team khata khelh dun theih zel ka chak hle tiin Mata chuan a sawi.

Barcelona keeper hlui Victor Valdes chu United hian kawl tho mahse De Gea a chhuak tak tak a nih chuan amah thlak zo tur an la melh reng tho a, Tottenham keeper Hugo Lloris, Atletico Madrid keeper Jan Oblak leh Ajax keeper Jasper Cillessen te hming a ri ring tawh hle bawk.