Mason Mount chuan Chelsea a chhuahsan ngei dawn niin English media te chuan an tarlang mek, he english midfielder hi Liverpool leh Newcastle United te bakah, Manchester United chuan an ngaihven niin Mail chuan a tarlang.

Kum 24 mi hian Stamford Bridge-ah kum khat chiah contract a nei tawh, chhunzawm turin Chelsea hian an dawr nia report a ni a, hetih lai hian khaw dang a hawi dawn niin English media te chuan an tarlang mek.

Mason Mount hian agent thar a nei ta a, Wasserman Media Group mi leh sa Neil Fewings chu Mount chuan a chhawr tan ta. Ani hian Stamford Bridge atanga inpu chhuak turin hma a lakpui nghal dawn nia report a ni.

England midfielder hian Management company, Stellar Football nen an inzawmna a chhutchah hnuin, a pa Tony chuan thla 18 liamta chhung khan a buaipui a. 

Chelsea chuan Mount hi chelh an duh tih chu a chiang, hetih lai hian neitu thar an nei a, player an la khawm teuh tawh bawk nen, Chelsea-ah hian hmun lailum a chang chhunzawm zel dawn em? tih a hriat tawh bik si loh a.

Heng te a nih avang hian Mount chuan khaw dang a hawi mek nia report a ni a. Chelsea-in an chelh thei dawn lo a nih chuan, nipui bazar inhawn hun hi man tha taka an hralh theih hun a nih dawn hmel a ni.