Tennis a khelh lai chuan SuperStar a ni, a che hlek a, chanchinthar lian tham a ni nghal zel.

Damdawi hman phal loh a hmang nia puh a ni a, test a paltlang zo lo. Hrem a ni ta a, Russia athlete dangte ang bawkin Rio Olympics-ah Maria Sharapova hmel kan hmu dawn lo. Kum 29 mi Russian tennis star thin hi kum 2 chhung hrem a ni a, sports lamah tih tur a nei tawh rih lo, mahse sumdawnna lamah erawh hmasawn zel a tum tlat.

Chawlh nuam taka a hman zawhah Harvard Business School-ah inziaklutin kar hnih course Business class a nei a. Course a zawh hnuin London-a advertising firm-ah hna a thawk chhunzawm a.

World Number One lo ni tawh Sharapova hi VCCP ( creative advertising agency)-ah hna thawkin, hetah hian tawnhriat tam tak neih a tum a ni. Grand Slam title 5 lai la tawh ni mahse hnaa a kal dawn hian car mawi tak tak a keng ve lo, rel (train) hmangin office a pan mai thin a ni.

Sharapova hian ama pualin brand a nei a, Sugarpova brand chu theih tawpa vawrh a tum niin a lang a, hetah hian sumdawnna lama thiam thil eng eng emaw hriat belh zel tumin kum 29 mi hian hma a la mek a ni.

Pictures credit : Instagram

Related news : Sharapova kum 2 chhung hrem a ni