Barcelona leh Spain winger hlui Marcus Alonso Pena, tuna Catalan club left-back Marcos Alonso pa chu kum 63 mi niin a boral.

A hunlaia Marcos tia hriat lar hian Camp Nou club tan 1982 leh 1987 inkar khan game 100 chuang a khel. Barca ang thoin Racing Santander-ah leh Atletico Madrid-ah pawh a khel tha hle. 

Barca chuan thuchhuah siamin, Marcos-a thihna avanga an lungngaihna an tarlan bakah an defender leh a chhungte an thlawp thu an tarlang.

"Barca player hlui Marcus Alonso Pena thihnaah hian Barca chuan pawi kan tiin kan lungngai em em a, Marcos Alonso leh a chhungte tan kan awm reng e. Thlamuang takin chawl rawh se,"tiin Barca chuan thuchhuahah an ziak.

Marcos hian kum 1977 khan Racing-ah bul tanin, a pa Real Madrid defender hlui Marquitos-a hniakhnung a zui. Kum 1982-a Barcelona a zawm hmain Atletico-ah a insawn bawk. Barcelona-ah hian chawimawina tam tak dawngin La Liga leh Copa del Rey title pawh a tel.

International level-ah Marcos hi Spain tan vawi 22 a fehchhuak a, Euro 1984-ah hman loh squad-ah a tel.

Barca president Joan Laporta press conference-ah Marcos-a sunna hun nilaini khan an hmang a ni.