Tun hnaiah Athletics lama infiammi an mualpho zing ta hle a, infiammi dang zawng aiin damdawi hman phal loh hmang an tam hle. Kenyan Marathon runner Rita Jeeptoo chu an hrem hun chhung tur tihpun a ni.

Jeepto hi kum 2014 khan damdawi hman phal loh EPO a hmang tih hmuhchhuah a ni a, kum hnih chhung hrem a ni. Jeepto hian accident a tawh avangin Kenya a damdawi an chawh avang chauh a nih thu a sawi thung.

Kum 33-a upa Jeepto hi kum hnih dang hrem tura thutlukna siam a ni a, infiamna lama Court sang ber Court of Arbritration for Sports lamah ngaidam turin thlen mahse a hlawhtling lo. Jeepto hian kum 2014 Boston leh Chicago Marathon title a dawn a peklet a ngai dawn a ni.

Kenyan runner hlawhtling ber pawl Jeepto hi Court senso phuhrukn atan £12,396 zet chawi tir a ni a, October 30, 2018 hma chu Marathon inelnaah a tel thei lo ang.