​Man Utd zawm teuh Gary Lineker

09th June 2015, 09:06PM

English striker chhuanvawr Gary Linekar chuan 1989 khan Manchester United nen an inbiak thu leh United chu a zawm teuh hle thu leh Tottenham lam a pan tak zawk thu a sawi chhuak.

BBC Match of the Day presenter Lineker hi a hunlai chuan khawvela striker tha ber zinga chhiar tel a ni a. Kum thum chhung Barcelona tan khelin, game 138 atangin goal 52 a khung. Lineker hian Barcelona chu Copa del rey leh European Cup Winers' Cup a chawi pui.

1986 World Cup-a Golden Boot winner hian 1989 khan kum thum chhung Barcelona tana a khelh hnuah England pan a tum. Manchester United an rawn lang vat a, Barcelona-a a khelh pui Welsh striker Mark Hughes nen an inkawp leh mai dawn emaw tih laiin Barcelona-a a boss Terry Venables chu Tottenham boss a ni ta si a, Lineker hian Spurs a zawm ta a ni.

Lineker han Tottenham tan goal 80 khungin, 1991 FA Cup champion a nih pui bawk a ni. "Sawmna lian tham tak tak ka dawng a, Fiorentina ka zawm tep, mahse Sven-Goran Eriksson a chhuak a, Roberto Baggio pawh a chhuak chhunzawm. Italy lam chu ka hnawl ta a.

"Terry Venables chuan Spurs a zawm a, an sum dinhmun azirin darkar 11 chhungin Spurs nen inbiakna kan nei dawn. Chutih laiin Alex Ferguson leh ka agent te an inbia a. Man Utd kha ka zawm teuh hle. Tottenham an lo lang leh a, sum an neih thu an rawn sawi takah chuan inremna kan nei ta a ni. Khatih laia Manchester United kha a hnu kum 5 chhunga Man Utd kha an la ni si lova, chuvang chuan ka zawm ta lo a ni." tiin a sawi.

Copyright © inkhel.com 2024. All rights reserved.