Manchester United chuan kum 29 mi Real Madrid defender Sergio Ramos chu £28.6m -a lei chhuah tumin hma an la ta. United leh Ramos chungchang hi titi leng vak mai mai nia a lan hnuah Man Utd chuan official takin Real Madrid an dawr ta a ni.

Ramos hian Cristiano Ronaldo leh Gareth Bale te hlawh a phak loh em avangin kum hnih chiah Real Madrid-a contract a neih tawh lai hian Real chhuahsan a tum a. Ramos chuan Real chief executive Jose Angel Sanchez chu hmai chhanah ngei hmuin chhuah a duh thu a sawi niin Mirrror chuan a tarlang.

Thenkhat chuan Ramos hian contract thar tha tak a duh avangin Real Madrid chu chhuahsanah a vau niin an sawi a, hetih lai hian Real Madrid chuan hlawh tam tak an zawrh tak lovah chuan Ramos chuan chhuah a tum nghet ta niin a ngaih theih.

Real Madrid hian £28.6m hi chu an defender manah a tlem hret niin an ngai a, United nen hian an la inhmu fuh thei chiah lo. Real Madrid pawhin Dea Gea lei chhuah tumin £13million velin Man Utd an dawr a, mahse United hian Dea Gea manah hian £25million vel an chhiar bawk si a. Club pahnih hi an la indawr fuh hleithei lo a ni.

Photo credit : Angel Martinez