15 Nov 2015 09:49

Inkhel

Mizo Sports Website hmasa ber

​Man Utd leh Robben sawi zawm mek an ni

Bayern Munich winger Arjen Robben chu thla hnih inhliam vanga a chawlh hnuah a lo kir leh ta, chutih laiin a club-ah hmun lailum a chan a rinawm ta lo hle.

Zirtawp zan khan friendly match-ah Holland chuan 3-2 in Wales an hneh, kha match-ah khan Robben chuan goal hnih a khung nghe nghe. A dam that chuan a that zia chu kan hre vek, mahse January thla hian kum 32 a tling ve dawn ta a, Bayern Munich striker Robert Lewandowski chuan Robben chu selfish a ti, ani aiin a kianga khel turin Douglas Costa leh Kingsley Coman te a thlang zawk tlat mai.

Bayern Munich manager Pep Guardiola pawhin Lewandowski thusawi hi a pawmpui a, Guardiola chuan Robben chu a khelh dan thlak turin a upat tawh thu a sawi nghe nghe a ni. Hei vang hian Bayern Munich chuan Robben an mamawh tawh vak lo niin a lang ta, hetih lai hian Manchester United boss Van Gaal chuan winger tha tak a la zawng mek zel a, PSV atanga a lak Depay chuan a beisei a phak lo hle, kum 31 mi Robben hian kum hnih khat chu tha takin top fligh-ah a la inlan theih a rin avangin Van Gaal chuan Holland National team-a a lo enkawl tawh Robben hi a ngaihven mek niin Mirror chuan a tarlang.