Nizan Champions League play off ah Manchester United chuan Belgium club Club Brugge chu away ah si li faiin an sawpa, goal belhkhawmah 7-1 ngawta an hneh tak avangin 2015/16 Champions League group stage khel turin an inhlangkai fel ve ta.
He inkhelah hian United captain Rooney chuan hun rei tak goal a khung loh hnuin hattrick a siama, goal dang hi Ander Herrera khung a ni. Tihian Wayne Rooney hian United tan goal 233 a khung tling ta a, United tana goal khung hnem ber 3-na a ni mek.
Club Brugge 0-4 Man Utd
Rooney 20′, 49′, 57′ Herrera 63′
agg 1-7
Club Brugge line up - Bolat, Castelletto, de Fauw, Duarte, De Bock, Claudemir, Diaby (Dierckx - 63' ), Vormer, Vázquez (Vanaken - 62' ), Bolingoli Mbombo (Cools - 77' ), De Sutter
Manchester United line up - Romero, Darmian, Smalling, Blind, Shaw, Carrick, Herrera (Hernández - 64' ), Mata (Young - 62' ), Januzaj (Schweinsteiger - 45' ), Depay, Rooney
Khualmualah United in hmahruaina goal 20' ah an khunga, mual veilam atangin Depay chuan ball khalh lutin through ball Rooney tan rem takin a pe a, awlsam zetin Rooney chuan goal ah a lo chan tir a ni. First half ah goal dang a luh belh lova, second half tan tirh 49' ah Rooney vek chuan Herrera siam sak atangin awlsam tak bawkin a goal hnihna a khung lehnghal mai bawk.
Herrera chuan United tan chance tha second half ah a hmu ve bawka, box chhunga an kalh thluk avangin Depay chuan penalty a hlawhchhuak mai tura ngaih a nih laiin pek a ni lo hlauh bawk.
Brugge player ten Rooney an veng hneh lo a ni bera, 57' ah a goal thumna Rooney chuan Mata ball pek tha zet atangin awlsam lutukin a khung ve leh a ni. Brugge defence line a buai chhunzawm zela, Schweni thorugh ball tha tak atang bawkin goal khungna hun remchang lo bawh pelh tawh Herrera chuan box pawn atangin a chhuih lut ve ta nge nge a ni.
80' ah Duarte chu box chhunga a handball avangin United in penalty an hlawha, United tana penalty pet tu Hernandez chuan ho tak maiin a thelh hlauh bawk. Goal dang luh belh lovin United chuan harsa lo takin UCL play off chu an paltlang ta a ni.
Inkhelh banah Rooney chuan ka thiante tana ka tha ka thawh theih chhung chuan goal khung lo pawh ni ila, ka lungngai lo tiin a sawi a, Club Brugge coach Michel Preud'homme chuan United chu team khawng tak an ni a, engkim an nei tiin a sawi bawk.
Champions League qualifying Playoff 2nd Leg
Full time scores :
APOEL Nicosia 1 - 1 FC Astana (1 - 2)
Bayer Leverkusen 3 - 0 Lazio (3 - 1)
CSKA Moscow 3 - 1 Sporting CP (4 - 3)
Club Brugge 0 - 4 Manchester United (1-7)
Partizan Beograd 2 - 1 BATE Borisov (2 - 2) *
*Away goal rule-in BATE an tlang zawk