Old Trafford khelmual inkhelah mual neitu Manchester United chuan si thum faiin mikhual Sunderland chu si thum faiin harsa lo zetin an hneh. He inkhelah hian Depay, Rooney leh Mata te chuan United tan goal an khung a ni.
Tihian Spurs laka City an tlawm tak avangin United hi BPL table chung berah an awm ta a, Sunderland erawh table mawngphah ah an tang chhunzawm zel.
2013/14 season tir hnua table chung bera United kan hmuh leh hmasakna ber a ni leh ta a, hun rei tak hnuah captain Wayne Rooney pawhin league goal a khung ve leh ta bawk.
Manchester United 3-0 Sunderland
Depay 45+', Rooney 46', Mata 90'
United - de Gea, Valencia, Smalling, Blind (Jones - 74' ), Darmian, Carrick (Schweinsteiger - 68' ), Schneiderlin, Mata, Rooney, Depay (Young - 77' ), Martial
Sunderland - Pantilimon, Jones, O'Shea, Kaboul, van Aanholt, Cattermole, Johnson (Fletcher - 45' ), M'Vila, Toivonen (Larsson - 70' ), Lens, Borini
First inkhelah chance hlauhawm tia sawi theih hmuh tur a tam lova, mual neitu United in inkhel thunun zawkin half chance an nei nuala, an goal nawr erawh a na tawk lo hle. Sunderland chance tha ber tia sawi theih 23' ah kan hmu ve a, box dinglam atanga Lens shot chu De Gea chuan a ke in a lo dan sak thei hlauh.
United in chance an neih zeuh zeuh hnu half time thlen dawn tak takah goal an thun ve chauha, goal attempt pawh lo nei nual tawh Depay chuan Blind ball thlawh luh atanga Mata cross ball chu chiang zetin hmun leh hmunah United hmahruiana goal ni turin a lo chhuih lut a ni.
Second half an tan leh chauh tihah United in goal dang an thun lehnghal maia, Mata ball pek atanga Martial cross chu captain Rooney chuan a lo thun ve leh ta mai a. 63' ah Martial ball pek atangin United goal hmahruai khungtu Depay chuan clear chance tia sawi theih a thelh hlauh bawk.
Matial leh Mata ten United tan chance an hmu chhunzawma, Sunderland erawh an bet chhunzawm zel. Si hnih faiin United an chak tawh mai dawna a lan hnu 90' ah United chuan goal dang an nei leh hrama, Depay thlaktu Young cross atangin Mata chuan chiang zetin United goal thumna chu a thun leh hnuhnawha, United chuan harsa lo takin Sunderland lakah si thum faiin hnehna an chang ta a ni.
PLAYER RATINGS (data source : eurosport)
Manchester United: De Gea 6, Valencia 6, Smalling 6, Blind 7, Darmian 6, Schneiderlin 6, Carrick 5, Mata 7, Rooney 6, Memphis 7, Martial 7.
Subs - Jones 6, Schweinsteiger 7, Young 7.
Sunderland: Pantilimon 6, Jones 6, Van Aanholt 6, O'Shea 6, Kaboul 5, Cattermole 5, M'Vila 6, Johnson 4, Toivonen 5, Lens 6, Borini 4.
Subs - Larsson 6, Fletcher 6.