07 Jul 2015 04:45

Asanga Tlau

Man Utd in Schneiderlin be ngei tih a chiang

Saints boss Ronald Koeman chuan Manchester United in an midfielder Morgan Schneiderlin lei an an dil tih sawiin hnawl a nih thu a sawi bawk.

BBC Radio Solent ah Koeman chuan kar hnih liamta khan United in lei min rawn dil ngeia, amaherawhchu min dawrna ah kan beisei ang a la pha hrih lo a ni tiin a sawi. Vawiinni thlengin United an rawn lang leh tawh hrih lo a ti bawk.

United hian July ni 13 hian US lamah tour an nei dawna, hemi hma ngei hian Schneiderlin biak fel an tum a rinawm. Hetih lai hian Koeman pawhin thutlukna chu eng thutlukna pawh nise siam vat ni se a duh thu sawiin, player tan leh team tan a pawimawh a ni tiin a sawi.

Kum 25 a upa Schneiderlin hian vawiin khan an practise-na ni hmasa berah a inlan lo nghala, Koeman chuan damlohna avang a nih thu a sawi tawh thung.

Schneiderlin hian 2008 atang tawh khan Saints tan a khela, vawi 261 inlan tawhin season hnih lai League One ah hun a hmanpui bawk.

Club chhuahsan a duh niin Koeman-a tawngkam atang chuan a hriat theiha, nikum mai pawh khan Tottenham target a nih avangin practise ni hmasa ber ah a lo inlan lo tawh a ni. Schneiderlin-a man hi £25m bawr vel ni tura rin a ni mek bawk.