Man Utd in Falcao an lei dawn ta lo

25th May 2015, 05:05AM

Manchester United chuan Monaco atanga loan a an lak mek Radamel Falcao chu contract an ziahpui dawn ta lo.

Kum 29 a upa Falcao hi United in season tluan a loan a an hawh hnuah an duh a nih chuan £43.2m laiin an lei thei dawn a, mahse season hmang thalo tak Falcao hi Man Utd in kawl zel an tum ta lo a ni.

Falcao hian tun season ah Man Utd tan game 29 a khelhah goal 4 chiah a thun a, United tan goal a thun hnuhnunber chu 31st, January a Leicester laka a thun kha niin game 13 lai goal a thun tawhlo.

Falcao hi River Plate ah goal thun khawl rawn ni chho tanin Porto leh Atletico Madrid ah a hming a rawn chher hle a, khawvela striker tha ber pawlah rawn in chher hrim chho in kum 2013 khan Monaco in an lalut a, Monaco ah hian game 20 khel in goal 11 lai a thun hman a, United ah erawh season tluan in beisei a pha ta lo a ni.

(adsbygoogle = window.adsbygoogle || []).push({});

Copyright © inkhel.com 2024. All rights reserved.