Manchester United chuan £75million vel laiin Real Madrid forward Gareth Bale chu lakluh an tum dawn niin an sawi.
Real Madrid hian an manager thar Rafa Benitez chua an result duh ang a hlawhchhuahpui zawhloh avangin an ban lehngal a, Zinedine Zidane chu Madrid enkawl tura ruat nghal niin Zidane-a hnuaiah hian Bale hi eng dinhmunah nge a din dawn tih a hriat ta loh a ni.
Khawvela footballer manto ber ni tura Real Madrid-in £85m laia Tottenham atanga an lakluh Bale hian tun season-ah goal 9 lai a thun tawh a, Madrid-in Benitez an ban tak avang khan amah zui chhuak ve nghal mai tura hming rawn lang hmasaber chu Gareth Bale hi a ni ta a ni.
Hetihlai hian Zidane pawh a rawn tawng chhuak ve leh nghal a, Gareth Bale chu hralh tur zing ami a nih loh thu a sawi mahse £75m lai chu Zidane hian team dinthar leh nan chuan a awh ruk hle a rinawm bawk.