A zawnin Manchester United chu Premier League-ah vawi 4 an chak ta a. Boxing Day-ah Sunderland mikhualin 3-1 in an mikhualte hi an hneh a ni.

United hian an khingpuite hi an hneh hle a, ball possession 60% lai an neih bakah shots on target vawi 25 an nei nghe nghe. United goal thumah hian Zlatan a inrawlh vek a, goal khat a khung bakah goal dang a siam ve ve a ni.

David Moyes chu Old Trafford-ah a kir leh a, mahse a duhthusam result a hlawhchhuak zo lo, relegate hlauhawmah an la awm chhunzawm zel a. Mourinho erawh United game hmuhnawm a khelh chhohpui zel thung a, he match-ah hian inhliam avangin Rooney a inlan ve thei lo a ni.

Manchester United 3-1 Sunderland

(Blind 39', Zlatan 82', Mkhitaryan 86' (Borini 90+1')

First half-a goal khat a lut a, 39 mins-ah Zlatan-a ball pek tha zet chu box pawn atang tlanlutin Blind chuan a ke veilamin a shot a, bottom corner-ah a lut mawi hle. First half-ah Pogba a tal na hle, chance hlauhawm vawi 3 lai a nei a, box pawn atanga a shot vawi khat phei chuan Sunderland goal post a per nghe nghe, a chest-thlak a shot nghal phei chu a kum lut teuh hle a, a over chiah chiah. First half tawp dawn tak takah hnai set sawt atangin a volley a, Sunderland goalkeeper Jordan Pickford chuan a lo dan sak a ni.

United tan Mata chuan free kick atangin goal a khung teuh hle bawk a, Jordan Pickford chuan a lo dang bawk. First half-ah United pawin si an phur teuh thin hle a, Van Aangolt free kick tha zet chu De Gea chuan a dan sak a, United defender-te pawhin goal ho tak an chhuah teuh hle a, Defoe ball vawrh chu Victor Anichebe leh Borini ten goal-ah an pet thei lo hlauh, United an him hram a ni.

Second half-ah goal thum a lut, defender tihsual nangchingin Pogba chuan free ball a khalh, Zlatan chuan veilamah lo pawtin, Pogba chuan Zlatan a pass a, ani hian awlsam takin a pet goal. Hun tawp dawn minute 4 a la awm tihin Zlatan-a cross tha zet chu Mkhitaryan chuan mawi takin a lo kheng a, a goal mawi hle, he goal erawh offside a ni a, linesman chuan a phar lo hlauh.

Sunderland tan hun tawp dawn tak takah Borino chuan a pet goal. Rojo ball tauh chhuah chu box pawn atangin top corner-ah Borini hian a volley goal a, De Gea tan tihngaihna a awm lo a ni. He match-ah hian Pogba a langsar hle a, a tal na hle nghe ghe, Mourinho-a'n Mkhitaryan a dah luh hnuah United game a dang nghal zar, chance hlauhawm pawh an nei nghal nual. Zlatan hian club Career goal 409 a khung ta a, United tan competition hrang hrangah a game hnuhnung 10 atangin goal 11 a khung tling ta a ni. Tin, Henrikh Mkhitaryan hian United tan goal zawna a shot hnuhnung vawi 3 chu a goal ta bawk a ni.

Pictures credit : Reuters