Chelsea in an ban tak Jose Mourinho chuan nipui lo awm tura Manchester United boss nih a duh zawk avangin Real Madrid sawmna a hnar niin Spanish chanchinbu El Pais chuan a chhuah.
December thla tir daih tawhah khan Madrid hian Benitez ban an lo tum tawha, Chelsea in Mourinho an ban hma kar ah khan Mourinho an be pawp tawha, ban a nih hnua an biak lehna ah Madrid sawmna a hnawl niin sawi a ni bawk.
Nizan lawkah khan tawnhriat la ngah tawk lo tak France legend Zidane chu Real manager atan ruat a ni a, Zidane hian season khat leh a chanve chhung league hniam zawk club Castilla, Madrid B team, chu a lo enkawl ve tawh a ni.
Tin, Madrid-a a kir leh lohna chhanah Madrid player langsar tak tak ten hrawn an duh tawh lohna chu chhan pakhata ngaih a ni ve bawk.