Man City in Wilshere lakluh an tum e

19th June 2015, 03:06PM

Chelsea laka Premier League title humhim zo ta lo Manchester City chuan squad tih chak an tum hle a, tunah Arsenal midfielder Jack Wilshere chu lakluh tumin hma an la leh dawn niin an sawi.

£40m laia Raheem Sterling lakluh an tumna chu Liverpool lamin an lo hnawl sak tawh a, tunah Arsenal player tha Wilshere lamah an tuan leh tan ta.

Player tha hralh ching tak Arsenal hi Man City lamin sum tam taka thlem an tum leh dawn a, Wilshere hi £30million vel laiin City hian an ngam niin an sawi.

Kum 23 a upa WIlshere hi England game hnuhnungberah a che tha hle a, Slovenia lakah goal ropui em em pahnih a thun zo hlim a nih kha.

Dan anga an kal a ngaih avangin Man City hian English leilung atanga football zir chhuak te lakluh chu an hna ber pakhat ah an hman a ngai a, chumi tur chuan Wilshere hi lakluh an mamawh hle a ni.

Hetihlai hian Wilshere pawh hian nationality quota hnawhkhattu mai mai atan chuan khawi club tan mah a sign loh tur thu alo sawi ve bawk.

City hian English chhulchhuak kum 18 a upa Patrick Roberts chu £8m in Fulham atangin an lalut fel tawh a, Championship club Fulham ah bawk hian loan in an khelhchhuah tir leh nghal a rinawm.

Copyright © inkhel.com 2024. All rights reserved.