Kum 20 mi, England player naupang zinga talent nei tha ber Liverpool midfielder Raheem Sterling chuan Anfield chhuahsan a tum thu media lama a irh chhuah hnuah Manchester City chuan Sterling lei tumin hma an la nghal dawn tih Mirror chuan a tarlang a, City hian Sterling manah £40million thleng pawh an inhuam thu tarlan a ni.

Thawhleh zan khan Sterling hnenah Reds' Young Player of the Year award hlan a ni a, hemi tum hian Liverpool fans te chuan Sterling hi an booed hial a ni. Liverpool hian Suarez an chan ta kha pawi an ti a, chuvang chuan Sterling hi nakin lawka Europe midfielder tha ber ni thei tur a nih dawn avangin an theih ang anga chelh an tum thu Liverpool American Chariman Tom Werner chuan a sawi a.

Liverpool hian kar khat chhunga £90,000 hlawh turin Sterling hi an thlem. Mahse Sterling-a agent chuan he sum an zawrh hi a bei tham hle tih a sawi nghe nghe. Liverpool hian kar khat chhunga £1,00,000 lai hlawh turin an thlem leh nia tarlan a ni a. Chutih laiin nikum champions Manchester City chuan kar khat chhunga £150,000 lai hlawh turin Sterling hi sawm an tum hem mai. Engpawh nise Liverpool hian Sterling hi an chelh dawn nge dawn lo transfer bazarah chiang zawkin kan hre thei turah ngai ang.