Stadium-ah Manchester City chuan Arsenal mikhualin, mikhual lamin Walcott hmangin goal khung hmasa mahse Sane leh Sterling-te goal hmangin Manchester City chuan an chhanglet a, 2-1 in City hian hnehna an chang a ni.
An inkhelh hma hian Arsenal chu table-ah 2-na an ni a, Manchester City erawh 4-na an ni. City an chak takah chuan Arsenal dinhmun an han luahlan a, Arsenal erawh 4-naah an tlathla leh ta a ni.
Khelh 17-ah Chelsea chuan 43 points neiin League hmahruaitu an ni mek a. Manchester City chuan point 7-in an thlau mek a ni. Thawhtanni zan hian Merseyside Derby khelh a ni dawn a, Liverpool hi an chak a nih chuan table-ah 2-na an ni leh thei dawn a ni.
Manchester City 2-1 Arsenal
(Sane 47', Sterling 71') (Walcott 5')
Player Ratings (data source : opta)
Manchester City - Bravo 5, Zabaleta 4, Otamendi 5, Kolarov 5, Clichy 5, Fernando 5, Silva 6, Toure 7, Sterling 6, Sane 7, De Bruyne 8. Substitutes: Sagna 6, Navas 5, Iheanacho 5.
Arsenal - Cech 4, Bellerin 5, Koscielny 5, Gabriel 4, Monreal 4, Coquelin 4, Xhaka 5, Walcott 6, Ozil 3, Iwobi 4, Sanchez 7. Substitutes: Oxlade-Chamberlain 4, Giroud 4, Elneny 4
Goal hi a lut hma hle a, tan atanga minute 5-na lekah Arsenal counter attack chu a tlang purh mai. Manchester City defending a buai hle a, Sanchez ball pek chu Walcott chuan box chhung atangin a pet goal. Otamendi a phar buai hle nghe nghe a ni. Half time a nih chuan si khat faiin Arsenal chuan hma an hruai a.
Second half-ah Manchester City game a danglam, goal pawh an khung nghal. 47 mins-ah Silva throug ball tha tak chu Sane chuan umin cool takin a pet goal. He goal a luh dawna Silva ball pek khan Sane hi a offside ngei tih TV replay atangin a lang, mahse linesman a position turah a thleng hman lova, a hmu lo hlauh a ni.
Sterling chuan 71 mins-ah Manchester City chakna goal a khung a. De Bruyne ball vawrh tha zet chu Sterling hian mual dinglam sirah a um, mual dinglam sir atang chuan box-ah a lalut a, a shot ta, near post-ah a kawh lut zawt, 2-1 in Manchester City chuan hnehna an chang ta a ni.
He match-ah hian goal mouth action a awm nual a, De Bruyne cross chu Sterling chuan a tauh goal teuh hle. De Bruyne through ball Sane chuan box chhungah a um lut, near post-ah Sane hian pet mahse Arsenal goalkeeper Cech chuan a lo dang hman a. De Bruyne shot Xhaka dan per phei chu a goal teuh hle a, Cech chuan a lo save leh hman bawk a ni. De Bruyne a tal na hle a, Navas cross near post-a a shot chuan Arsenal goal ban a per dawp bawk a ni.
Guardiola chuan hun hrehawm tak a hman hnuah kar khat chhungin vawi hnih hnehna a chang ta a, Pep Guardiola chuan Yaya Toure fakin, "Yaya hi naupang ang mai a ni, tha zetin a khel a, amahah hian tumna a awm a ni. Harsatna kan tawhin kan hnenah a awm a, player danglam tak a ni," tiin.
Kar khat chhungin Arsenal vawi hnih an tlawm ta, Arsene Wenger a lawm lo hle, "A ni tawh em em lo, offside pahnih avangin goal hnih kan chhuah. A vawi hnihna phei kha chu pen 5 laiin a offside a ni. Kar chhe tak kan hmang a ni," tiin a sawi.
Sterling goal a luh dawn khan Silva kha offside position-ah a awm a, Petr Cech khaw hawi a tibuai a nih chuan offside tur a ni a, mahse linesman chuan a phar ta lo a ni.
Pictures credit : Reuters
