Madrid mithar tur Martinez

28th June 2015, 12:06AM

Colombian striker Jackson Martinez chuan FC Porto chhuahsanin Atletico Madrid a zawm dawn tih a sawi.

Kum 28 mi Martinez hi tun nipui tir lam khan Italian club AC Mialn chuan lakluh tumin an lo dawr tawh a, mahse a hnar a Spain lam atanga sawmna a hmuh erawh a hnar dawn ta lo ni ngeiin a lang.

Atletico hian Porto-in Martinez contract-a leichhuah theihna zat an siam £24.8m an sen a ngai dawn a, Colombia national striker hian Spain a pan hmain hunrei vak lo chu chawlh hahdamna hun ala nei rih ang.

Copa America quarter-final-a Argentina an hnehloh hnuin Martinez chuan, "Atletico ka pan ang. Kum li chhung atan ka zawm dawn a mahse engtikah nge min phochhuah dawn ka hre lo."

"Engkim peihsa thlap a ni tawh. Tunah chuan ka chhungte bula hun ka hmang rih ang a, tichuan Spain-ah kalin ka club thar turah ka in lan ang."

"Atletico Madrid ka zawm tur hi ka phur hle a, chona thar a ni bawk a ka thatpui ka beisei." tiin a sawi.

Season thum chhung a zawn a Portuguese league (Primeira Liga) top scorer ni thei Martinez hian Independiente Medellín atangin a football zinkawng alo zawh tan a, hemi hnu hian Mexican club Chiapas-in an lalut veleh a he club-ah hian kum 2009 leh 2012 inkar khan a khel.

Kum 2012 July thla khan tuna a khelh mekna FC Porto hian $11m sengin an lei a, 2012-2013 season khan Primeira Liga-ah a champion pui a Supertaça Cândido de Oliveira-ah pawh vawihnih a champion pui tawh bawk a ni.

Copyright © inkhel.com 2024. All rights reserved.