Vicente Calderón-a Madrid derby-ah Atletico Madrid leh Real Madrid te chu 1-1 in an inhnehtawk a, Real Madrid hian Benzema hmangin goal hmahruai khung mahse hun tawp dawnah Luciano Vietto chuan Atletico Madrid si phurh a rul a, an inhnehtawk ta a ni.
Atletico Madrid 1-1 Real Madrid
(Vietto 83′) (Benzema 9′)
PLAYER RATINGS (data source : eurosport)
Atletico Madrid - Oblak 6, Juanfran 7, Godin 6, Gimenez 6, Filipe 5, Tiago 7, Gabi 5, Griezmann 7, Oliver 5, Correa 7, Torres 5.
Subs - Jackson 5, Carrasco 5, Vietto 6.
Real Madrid - Navas 8, Carvajal 8, Varane 6, Ramos 6, Marcelo 6, Casemiro 8, Kroos 5, Isco 6, Modric 5, Ronaldo 5, Benzema 7.
Subs - Arbeloa 7, Bale 5, Kovacic 5.
First half inkhel hmuhnawm takah Benzema goal chu goal awmchhun a ni a. Tan atanga minute 9-na lekah mual dinglam sir atang chuan Carvajal chuan tha zetin a cross a, box chhunga lo awm Benzema chuan a tauh goal a. Real Madrid chuan si khat faiin hma an hruai.
He goal hi 22nd mins-ah Griezmann chuan a rul teuh hle. Ramos chuan box chhungah Tiago a ti tlu a, referee chuan penalty a ham. Griezmann chuan Navas vei lamah a pet, mahse Navas chuan tha takin a lo dang a.
Goal khat a luh hmain Real Madrid an khel tha a, mahse goal an khung hnuah erawh Atletico Madrid si phurh rulh tum an khel tha hle, Angel Correa a tal na hle a, half chance pawh vawi hnih a nei hman. Shot on target erawh an nei tam lo ve ve a, Carvajal erawh inhliam vangin lakchhuah a ni.
Second half-ah Benetez chuan Isco lachhuakin inhliam damkawr Gareth Bale a luh tir a, mahse hei hian danglamna a thlen em em lo, Atletico Madrid an khel tha chho zel a, hun tawp dawn minute 7 la awmin Jackson Martínez chuan mual veilam sir atangin tha zetin a cross a, Griezmann chuan goal-ah pet mahse an lo dan sak a, hemi per hi Luciano Vietto chuan a pet goal ta a ni.
Atletico Madrid hian 2-1 a chak theihna chance tha tak hun tawp dawn tak takah an nei a, box pawn atanga Jackson Martínez shot tha zet chu Navas chuan tha zetin a lo save a, Real Madrid an him hram a ni.
Inrinni zan lamah Barcelona chuan 2-1 in Sevilla an hneh lova, Villareal pawhin si khat faiin Levante an hneh lo. La Liga hmahruaitu chu Villareal an ni a, khelh 7 atangin 16 points an nei. Real Madrid, Celta Vigo leh Barcelona te chuan 15 points vek an nei a, Atletico Madrid chuan 13 points an nei a ni.
Messi kar 7 atanga kar 8 a chawl dawn, Messi inhliam chhungin Barcelona game a buai deuh tan nghal der mai. Hemi chhung hian Real Madrid leh club dang te chuan tlansan tumin an bei dawn, mahse Real Madrid erawh Madrid derby-ah an chak lo thelh a, point khat an hlawh chhuak hram a, an vannei hle a ni.
Celta Vigo 0 - 0 Getafe
Sevilla 2 - 1 Barcelona
Granada 1 - 1 Deportivo La Coruna
Espanyol 1 - 2 Sporting Gijon
Las Palmas 0 - 2 Eibar
Malaga 3 - 1 Real Sociedad
Rayo Vallecano 0 - 2 Real Betis
Athletic Bilbao 3 - 1 Valencia
Levante 1 - 0 Villarreal
pictures credit : AFP, PA & Reuters