Saiha District Football buatsaih MADC Chairman Trophy Final chu vawiin khan khelh zawh a ni ta a, N.Colony FC chuan 2-1 a FC College Vaih hnehin he tournament-ah hian an champion.
Final-ah hia Champion Team N.Colony FC tan A.beihrokhai leh Joseph-a ten goal an thun a, FC College Vaih tan hian Beilysa chuan goal a thun ve bawk.
Champion team N. Colony hian trophy mawi tak bakah Rs 30,000 leh certificate te an dawng a, final a vanduai ta FC College Vaih te hian trophy, Rs 15000, trophy bakah certificate an dawng bawk a, Fairplay team pawh thlan niin Rs 2500 bakah certificate N. Colony FC hnenah hlan a ni.
Best Player, Top Scorer leh Best Goalkeeper te pawh thlan niin Best Player leh Top Scorer-ah hian N.Colony player, he tournament a goal 15 lai thuntu A.Beihrokhai chu thlan niin trophy, certificate leh Rs 1000 hlan a ni a, Best Goalkeeper-ah hian Govt Saiha College FC goalkeeer T.Beihnadaosa chu thlan ni bawkin individual award dawng tu te hnenah hian trophy, certificate leh Rs 1000 hlan an ni.
MADC Chairman Trophy hi 19th Oct, 2015 atanga khelh tan niin team 21 an lut a, Football nun em em na Saiha-ah hian Siaha District Football Association chuan KBM Memorial Football Tournament Tunkum hian an la buatsaih leh dawn bawk a, Champion team in Rs 70,000 chuang lai an dawng dawna ni.