Lyon chuan Guingamp atangin Claudio Beauvue an lei fel a, kum li daih contract ziahpuiin aman hi puanzar a nilo.
Kum 27 mi Beauvue hian season liamta French Ligue 1-ah khan goal 17 a khung a, a chance hmuh zawng zawng zinga 22.7% goal-ah a chantir thei.
Lyon-ah hian khelhna hmun inchuhin Alexandre Lacazette, Nabil Fekir leh Clinton N’Jie-te a elpui dawn a, Lacazette hi season liamta Ligue 1-a goal khung hnem ber (27) a ni nghe nghe.
France national striker hi Manchester United leh Arsenal pawhin lakluh an hniallo niin sawi a awm a, Lyon hian kum khatah £2.9m pek an huam niin tarlan tel a ni bawk.
Beauvue hian Troyes, Nantes, Châteauroux leh Bastia tan pawh alo khel tawh thin a, a chhuahsan tak Guingamp hian kum 2013 khan an lalut a 2013-2014 season khan Coupe de France-ah an champion.