LDFA buatsaih I-day tournament ah Super Cup champion hlim Chanmari FC an champion.
First Division team 6,Subroto kal tur SYS leh Super Cup Champion Chanmari te in el-in chiang takin Chanmari FC an champion a ni.
He tournament hi group hniha then niin group 2-a asang Pali in semi final an luta, Chanmari FC hian semi final ah SYS 3-1 in an hnehin Semi Final dangah College Veng FC penalty hmangin Bazarveng FC an hneh thung.
Finalist team Chanmari FC leh Colleng veng FC hi final luh beisei awm khawpa players nei tha leh inbuatsaihna nei tha ber 2 niin, Coach tha Rozara chuan Chanmari FC enkawlin College Veng FC hi Lalruata Kum hmasa lama LSL leh Independence Day champion Coach in a enkawl thung.
Chanmari FC ah hian players naupang rual awm khawmin College Veng FC hi players tawnhriat nei engemaw zat nei an awmin team in khairual tak an ni.
Inkhel tan a ni a, tum dang ang bawkin Chanmari FC in inkhel an thununa minute 4 na lekah College Veng FC midfielder te tih sual ah Hruaitea ball pek tha tak striker hriam H. Lalramzauva goal ah a chantira striker tha bik Zauva hian minute 45ah a thun belh bawk a ni. College veng FC in goal chhanlet tumin bei viau mahse Midfield roreltu Chanmari FC bawk an inlar lehin he tournamenta Best player Samuel Lalramchhana goal shot tha tak chu College Veng FC keeper in lo dan sual chu ball pet thiam Lalramdinthara chuan nang chingin minute 27 ah goal a thun belh leha hemi hnu lawk hian player taima leh tlan chak HK Lalhruaitluanga 29 minute ah goal ropui a thuna Hruaitea hian minute 87 a thun belh bawk. College Veng hian theihtawp chhuahin Coach in ground ball-a an hneh lo tih hriain long ball hmang game an thlaka,Game han thlak deuh mahse Chanmari FC defender Lalruatdika leh Lalnunzira te an pal tlang zo lo. Minute 50 naah erawh College Veng tan Experience player tha R.Lalrinsanga'n indirect Free kick atangin goal mawi tak khung mahse goal an phur nasat tawh avangin thawh lehna hun an nei tawhlo a ni. Minute 90+2 naah Super Cup Best player PC Lalruatpuia' hla tak atangin goal ropui a khung lehin hun a tawp zuia Chanmari FC chuan hnehlo nei lovin hnehna an changta a ni.
Independence day lawmmante :
Fair Play : Chanmari FC
Individual Prize
Best Player : Samuel Lalramchhana (Chanmari FC)
Top Scorer : Johny VL Muanpuia (Ramthar FC)
Most Promising : C. Vanlalruata (SYS Football Academy)
Best Forward : H. Lalramzauva (Chanmari FC)
Best Midfielder : Lallianmawia Pachuau (SYS Football Academy)
Best Defender : H. Lalnunzira (Chanmari FC)
Best Goalkeeper : Lalhriatpuia (Bazarveng FC)