17 Sep 2015 01:20

Inkhel

Mizo Sports Website hmasa ber

​Luke Shaw hliamtu Hector Moreno-a'n ngaihdam a dil

Luke Shaw hliamtu Hector Moreno-a'n ngaihdam a dil a, "Engtia na nge ka hriatthiam pui a ni. Ka inthiam lo tak zet, ngaihdam ka dil a ni," tiin.

2014 World Cup-ah khan Mexican defender hian a ke a lo ti tliak palh ve tawh bawk a, nizana Champions League group stage match-ah Hector Moreno hian Man Utd defender Luke Shaw chu a tackle a, Luke Shaw ke dinglam ruh pahnih a tliak hial a ni.

"Ka inthiam lo tak zet a ni. Kha thil thlengah khan ka tel ve avangin, Luke Shaw-a chhungte chungah pawh ngaihdam ka dil a ni. Khatiang kha nikum World Cup khan ka tawng a, a rawn kir leh vat theih nan duhsakna ka hlan a ni." tiin Shaw chuan a sawi.

Engtia rei nge Shaw hi a chawlh dawn a hriat lova, Manchester -ah zai a ni anga, a lo berah thla 6 tal a chawlh a ngai dawn a ni. Man Utd boss Van Gaal chuan kumin hian a hmel a hmuh leh a rin tawh loh thu a sawi a, hetih lai hian nakkum kum tirah erawh United tan a rawn khelh leh hman a beisei a ni.