20 Jul 2020 05:03

inkhel

LTA Tennis Awards: Player of the Year ni thei tur an puang

LTA Tennis Awards sem tura Player of the Year dawng thei tur an puang a, he chawimawia dawng thei tur hian player pariat hming an ti chiang tawh.

Andy Murray, Alfie Hewett, Jordanne Whiley leh Johanna Konta te chu mi pariat an thlan chhuah zingah hian an tel a. Kuminah hian kum dang ang bawkin LTA Men’s Player of the Year leh Women’s Player of the Year an thlang leh dawn a ni.

Mipa lamah chuan Andy Murray leh Alfie Hewett te bakah Dan Evans leh Andy Lapthorne te chu an thlang chhuak a. Hmeichhe lamah chuan Jordanne Whiley leh Johanna Konta te bakah hian Heather Watson leh Harriet Dart te chu an thlang bawk a ni.

Britain huam chhunga tennis player tha zualte hi 2019 chhunga an chet dan an en hnua an thlan chhuah niin, mipa leh hmeichhe player zinga chawimawina dawng tur hi July 30 zanah an puang dawn a ni.

July 30 zanah hian Men’s Player of the Year le Women’s Player of the Year bakah chawimawina dang pawh an sem dawn a, he mi zanah hian chawimawina dawng tur mi 18 zet chu an puang dawn a. Britain huam chhunga tennis player tha zualte chu an fuan khawm kim hle tura ngaih a ni.

Jamie Murray leh Lawn Tennis Association (LTA) te chu an tang kawp a, Battle of the Brits Team Tennis hun hi an huaihawt a. LTA Tennis Awards hi Britian bika tennis huang chhunga mi sang chuang zette tana buatsaih niin, volunteer 25,000 te bakah coach 4,400 leh official 940 te pawh an tel a ni.

Heng bakah hian school 20,000 leh club 2,700 te, LTA pawmpui tournament 9,700 zette chu tennis tihhmasawnna atan an tangkai a ni tih an tar lang dawn bawk a. Kumin hi he chawimawina an sem vawi 5-na a ni dawn a, Davis Cup captain Leon Smith chuan a kaihruai ang.

LTA Tennis Awards 2020:
Club of the Year
Coach of the Year
Community & Parks Award
Competition of the Year
Disability Award
Education Award
Lifetime Achievement Award
Official of the Year
Volunteer of the Year
University of the Year Award
Young Person of the Year
Men's Player of the Year
Women's Player of the Year
Boys' Player of the Year
Girls' Player of the Year
Senior Men's Player of the Year
Senior Women's Player of Year
Performance Coach of the Year