Samsung 3:16 LPS Pro Fight 2015 Title Fight chu December ni 18, 2015 (Zirtawp) zana neih tur dengchhen hian December ni 17 Ningani dar 12:00 PM khan Aizawl Press Club-ah Press Conference neih a ni a, Pu Zorammawia (MIZBA Presedent) kaihhruaina hnuaiah he hun hi hman a ni. Champion nilai mekte leh anmahni hmachhawntu turte nen hun hman a ni a, zawhna leh chhanna a duh apiang tan hun hawn a nih bakah Title Fight-a in hmachhawn turte'n inbukna an nei nghal.
Title Fight hmachhawn tumin Mizoram hmun hrang hrang atangin Boxer 313 an tel a, tunah hian Champion lai cho thei tur zawnna khelh zawh a ni.
Lightflyweight Champion lai NT Lalbiakkima hmachhawntu tur Lalrinsanga Tlau chuan a vawikhat nan Title Fight a khel dawn, Light-fly-ah hian vawi khat aia tam champion thei an la awm lo.
Bantamweight Champion lai Lalnunhlua hmachhawn tur HC Lalramfela hian a vawi khat nan Title Fight a khel dawn a, 2010 leh 2014 champion Lalnunhlua'n Bantam Title humhim hmasa ber nih tumin Title Fight a hmachhawn dawn, a chak a nih chuan vawi hnih champion thei awmchhun a ni anga, tum thum champion hmasa ber a ni bawkjang.
Lightweight Champion lai Lalmuanpuia hmachhawn tur Lalrinawma hian a vawi hnih nan Title Fight a khel dawn a, 2009 leh 2014 champion Lalmuanpuia hian Anthony Lalduhawma nen vawi hnih champion thei record an intawm mek chu kalsana, a tum thum nan champion leh ngei tumin Title Fight a hmachhawn leh dawn a, Profight vawi li neih tawhah inlan kim vekin, tum hnih a chak a, vawi hnih a tlawm. Lalrinawma hi Kum zawnin Title Fight-ah a inlan ve thung dawn a, nikumah Lalmuanpuia a hneh lova kumin a vawi khat nan champion tumin a khel ngei ang.
Middleweight Champion lai Johnkenty Vanhlimpuia hmachhawn tur Boris Zoremsiama Sailung hian nikum semifinal-a a hneh loh Johnkenty Vanhlimpuia champion belt chhuh sak ngei atum leh dawn ta a ni.
Lightheavyweight Champion lai Abel Lalawmawia hmachhawn tur PC Lalmuankima hian a vawi hnih nan Title Fight a khel dawn. Vawi li champion zawn mek Abel Lalawmawia'n hnuhma tha chungchuang tak a neih tawh chhunzawmin, a vawi nga-nan Title lak leh ngei a tum dawn a, PC Lalmuankima'n nikum Title Fight-a a hneh loh lakah hnehna chan ngei atum ve thung ang.