Zothan Autoworks LPS Pro Fight 2016 chu October 13, Ningani khan Final & Exhibition Bout khelh a ni a, Haier D3 Fighter of the Night-ah Anthony Lalduhawma (Govt Complex) chu thlan a ni.
Title Fight hi October ni 15, Inrinni zan dar 8:00-ah chhunzawm leh tur a ni ang.
Final & Exhibition Bout inhnek zan hian Khuallian Pu R Lalzirliana, home minister thusawi chuan mipui beng a verh hle a, sorkarin fireman pasarih a lak mai turah sports quota atangin lightheavy champion lai PC Lalmuankima thun a ni dawn tih a puang a, infiamnain hma a sawn zel theihna tura hma a lakna a nih thu a sawi tel bawk.
Khuallian hian Final & Exhibition zana inlan boxer 12 hnenah Rs 22,000 a pe. Final-a chakin Rs 2,500 zel dawngin a chak lo zawkin Rs 1,500 theuh an la. Hmeichhia exhibition bout vawi hnih a awm a, boxer paliin Rs 1,500 theuh an dawng a ni.
Final & Exhibition Bout Results:-
LIGHTFLY
Lalthanga (Bungkawn Vengthar) bt Laldingliana (Tuipui)
= Split decision (39-38, 37-39, 39-37)
* A vawi khat nan Lalthanga'n 'Title Fight' a hmachhawn dawn a, 2014 leh 2015 champion NT Lalbiakkima (Siaha) nen inrinni zanah an intum ang. 2014 khan final-ah Laldingliana a tla tawh a, hma a sawn thei rih lo.
BANTAM
Zonuntluanga (Dinthar) bt James Laltlanmawia (Maubawk)
= Split decision (39-37, 39-37, 37-39)
* Zonuntluanga'n a vawi khat nan 'Title Fight' a khel dawn a, champion lai HC Lalramfela (Chawngtlai) nen an innuai ang. A saltanna atangin James Laltlanmawia a tal chhuak thei lo va, final a khelh vawi thumna niin a tlawm vek a, 'Title Fight' hmachhawn lo zinga final lut zing ber a ni.
LIGHT
Anthony Lalduhawma (Govt Complex) bt Lalrinawma (Reiek)
= Knockout (Round 3, minute 1:34)
* Vawi thum Pro Fight-a a telna niin a tum thum nan Anthony Lalduhawma'n 'Title Fight' a hmachhawn dawn a, 2010 leh 2011 'Title Fight'-a a hneh tawh Lalmuanpuia (Khatla) kut atangin kawnghren chhuhsak a tum zui dawn a ni. 2014 leh 2015 'Title Fight'-a chak zo lo Lalrinawma'n a vawi khat nan champion a tumna a puitlin thei lo va, 2010 quarterfinal-ah Anthony-a hneh lovin a tlawm tawh bawk.
LIGHTHEAVY
Johnkenty HC Vanhlimpuia (Tuipui) bt H Lalrinhlua (Hnahthial)
= Knockout (Round 2, minute 1:46)
* 2014 leh 2015 middleweight champion Vana'n weight hrang pahniha champion hmasa ber nih a tumna a kalpui zel a, a vawi khat nan lightheavy huangah 'Title Fight' hmachhawnin inrinni zanah champion lai PC Lalmuankima nen an intawng dawn. H Lalrinhlua erawh kum zawnin final-ah a tlawm ve thung.
EXHIBITION BOUT - 2
Middle (hmeichhia)
Abisak Vanlalmawii (Vaphai) bt Lalrinmuani (Bungtlang South)
= Unanimous decision (40-36, 40-36, 40-36)
Lalfakmawii Ralte (Vaivakawn) bt Lalramngeni (Sangau)
= Unanimous decision (40-36, 40-36, 40-36)
Title Fight October 15, Inrinni zan dar 8:00 Fixtures:-
LIGHTFLY
NT Lalbiakkima (Siaha, champion) v Lalthanga (Bungkawng Vengthar)
BANTAM
HC Lalramfela (Chawngtlai, champion) v Zonuntluanga (Dinthar)
FLY - Hmeichhiaa
Vanlalduati (Khawbung) v R Lalruatfeli (Edenthar)
LIGHT - Hmeichhiaa
Lalhriatpui Jahau (Champhai Vengthar) v Lalbuatsaihi (Tuithiang)
LIGHT
Lalmuanpuia (Khatla, champion) v Anthony Lalduhawma (Govt Complex)
MIDDLE
Zarzoliana (Sawleng) v C Lalduhawma (Leitan)
LIGHTHEAVY
PC Lalmuankima (Saron Veng, champion) v Johnkenty HC Vanhlimpuia (Tuipui)
(adsbygoogle = window.adsbygoogle || []).push({});