Kylian Mbappe chuan Monaco atanga PSG a zawm hnuin nasa takin a hming a chher. A hming hmasa hi football fans lamin an lo hre tawh lo, thenkhat chuan Lottin leh Mbappe te chu inang an ti hle.

2016/17 season tir lamah kha chuan Mbappe hi France ram chhungah bak hriat lar a ni em em lo, mahse Monaco-ah tha takin a khel a, PSG chuan player naupang tak chu an la lut ta a.

FIFA 17-ah khan Mbappe chu Monaco-a a awm lai niin, FIFA Card-ah a hming chu Lottin tiin a inziak. Lottin hi a hming hnuhnung ber niin, Kylian Mbappe Lottin tih hi a hmingpum a ni a, a hming hman hmasak zawk hi a lar lo hle.

FIFA Gamer te chuan FIFA Card hlui an han hai chhuak a, Lottin chu Mbappe nen inang an ti hle, mahse a hnuah erawh Mbappe a nih zia an hrechhuak leh hnuhnawh.

FIFA 17-ah khan 64 shooting, 65 passing, 74 dribbling, 39 defending leh 62 physical a score a, pace hi 81 chauh a nei bawk.

Engvangin nge Mbappe hian Lottin tih a paih tak daih tih chu zawhna a tam hle. A pa hi Mbappe Lottin a ni a, mahse Lottin tih hi Mbappe chuan a hmingah a paih ta a, a unaupa Ethan pawhin Lottin tih a paih bawk.

Mbappe hian Monaco tana a khelh lai khan Manchester City a lo hmachhawn tawh a, Champions League last 16 first leg-ah 5-3 in an tlawm. Chak lo zawkah tang mah se, Mbappe hian Etihad Stadium-ah goal a khung.

Return leg-ah Mbappe chuan goal a khung ve leh bawk a, away goal rul hmangin Monaco an tlang ta zawk a nih kha. Last 8-ah Dortmund an hneh leh a, Mbappe chuan goal 3 a khung.

Semi final-ah Juventus an hmachhawn a, an zinkawng a tawp ta a ni. Chak lo zawkah tang mah se Mbappe chuan Monaco goal awm chhun a khung tho.

Sawmna : Website advertisement hi min click sak thin turin kan sawm a che u.

Mbappe hian tun nipui bazar inhawn hunah PSG chhuahsan a tum thu a sawi chiang tawh, a pan tur la sawi chiang lo mah se, Real Madrid a zawm ngei dawn nia ngaih a ni a, kum 25 mi chauh a la ni a, Ballon d'Or dawng ngei tura theihtawp chhuah a tum zel dawn a ni.