27 Mar 2015 08:36

Inkhel

Mizo Sports Website hmasa ber

Lord Bendtner-a'n hattrick a siam

Niklas Bendtner chuan USA lakah hattrick siamin Denmark chu International Friendly match ah USA lakah 3-2 in hnehna a chanpui.

He inkhelah hian tum hnih lai USA lam hian hma an hruai a, min 19 na lekah Jozy Altidore-a goal chu Bendtner-a'n min 33 na ah a thungrul veleh nghal.

Second half ah Johannsson hmangin USA lam hian goal an thun veleh a, mahse Bendtner bawk rawn lang leh in min 83 na ah an siphurh a rawn sut hnuah min 90 na ah Denmark chakna goal leh a hattrick siamna ni turin goal a rawn thun leh ta a ni.

A vawikhatna atan Denmark tan Bendtner hian hattrick a siam ta a, an coach Olsen chuan kum 27 a upa Bendtner hi hahip in a fak a, Denmark manager mai pawh nilo USA enkawltu Klinsmann pawhin Bendtner chu fakin a hmalam hunah duhsakna a hlan nghal bawk.

Bendtner pawhin Europa lama goala thun hnuah Bundesliga a khelh leh a, Internation match a hattrick siam lehnghal chu a lawm thu sawiin club lamah pawh thil tha lam a inher chho dawn niin a sawi a, USA lama hattrick a siam chu a theihnghilh theih tawh dawnloh thu a sawi bawk.