Chelsea midfielder Ruben Loftus-Cheek pa Trevor Loftus chuan Chelsea-a a fapa enkawl tawh țhintu Jose Mourinho a dem a, Mourinho-a'n a fapa a enkawl danah a lungawi lo.

Kum 21 mi Loftus-Cheek hian loan-in Crystal Palace a zawm mek a, a khelhțhat theih em avangin England pawhin a vawikhat nan an ko va Germany an hmachhawn țumin Man Of The Match a ni nghal nghe nghe.

Loftus-Cheek hian Chelsea Academy-a a awmlaiin FA Youth Cup leh Under-21 Premier League nomawi a chawi ve ve a, Mourinho-a'n Chelsea a enkawl lai khan khelhna hmun pek a ni ngai lo.

Hetia khelhna hmun a chan tam loh vang hian apa Trevor Loftus a vui a, Mourinho a dem.

Daily Mail-in an kawmnaah Trevor Loftus chuan, "Mourinho khan a ti khawtlai a, inkhel char char tawh tur a ni mawle. Mauricio Pochettino hnuaia awm chu nise first team tan game 70, 80, 90 a khel tawh ang." tiin a sawi.

Trevor hian a fapa hi Rolls Royce nen a tehkhin bawk a, "Rolls Royce ang mai a ni a, player of the year award-te pawh a dawng tawh. Chelsea-in a lama mit an men hnuah tunge anih an hria a, a danglam zia an hre nghal bawk." tiin a fapa hi a chhuang hle.

Loftus-Cheek hian Chelsea tan Premier League-ah game 22 a khel tawh a, season liamta khan The Blues hi league nomawi a chawipui.