14 Mar 2019 12:49

inkhel

Liverpool that zia kan hmu - Bayern boss

Bayern Munich chuan Liverpool hneh lova Champions League atanga an tlak hnuah an manager Niko Kovac chuan inelna pahnihah an la dam thu sawiin, chumi pahnihah chuan champion ngei an tum thu a sawi.

Kovac hian trophy pahnih chawi an la tum thu a sawi rual hian Allianz Arena-a Liverpool khelh dan a fak a, an goal hnihna an khung hnuah Liverpool that zia a lan thu a sawi.

Champions League Round of 16 second leg inkhelah hian Bayern lamin first half-ah inkhel thunun angreng viau mahse goal chhuah hmasa zawkah an tanga, half time hma in an si phurh rul mahse second half-ah si hnih dang phurh belhin Quarter-final an lut zo lo.

Kovac chuan, “An goal hnihna an thun atang khan Liverpool that zia kan hmu. Title pahnih la thei dinhmunah kan la dinga, Bundesliga hmahruaitu niin cup lak tur dang pakhat pawh a la awm mek, hemi pahnihah hian champion ngei kan tum a ni,” a ti.

Kovac hian nikum nipui khan Eintracht Frankfurt chhuahsanin Bayern Munich hi a zawm a, season bul tan tha lutuk lo mahse tun hnaiah an che tha chho tawh hle a, Bundesliga-ah pawh Borussia Dortmund hmakhalhin hmahuaitu an ni leh tawh. Champions League lamah pawh beiseina nei sang viau mahse Liverpool an paltlang zo lova, Round of 16-ah an lungawi mai a ngai ta a ni.