Champions League group C inkhel hnuhnung berah Liverpool chuan Anfield-ah Napoli an lo mikhuala, chak ngei ngei an mamawhna game-ah Liverpool chu si khat faiin an chak.
Liverpool hi group C-ah pahnihna niin round of 16 an luta, Napoli erawh pathumna niin Europa League an khel chhunzawm ang. Goal lut chhun hi tu dang ni lovin Mohamed Salah-a thun a ni a, Liverpool chu round of 16 a luhpui.
Liverpool boss Jurgen Klopp chuan a formation hman than 4-3-3 bawk hmangin hmatawngah a tihdan pangaiin Salah, Roberto Firmino leh Sadio Mane-te a dah. Napoli boss Carlo Ancelotti chuan 4-4-2 a hmanga, a hmaah Lorenzo Insigne leh Dries Mertens-te a hmang ve thunga, manager hnihten passing game hmuhnawm min hlui.
Inkhel tan a ni a team hnihte atangin passing game hmuhnawm kan hmu nghal. Liverpool-in chance hlauhawm an nei hmasa a, inkhel tan atanga minute sarih velah Salah chuan tih goal-na huntha a nei. Box chhung veilama tlan Andy Robertson chu ball pek niin, Scotland captain hian goal hma lawka awm Salah tan ball tha takin pe chho ve lehnghal mahse Salah chuan goal-ah a chantir thei lo. Napoli-in chance an nei chhunzawm ve nghala, mual veilamah ball inpe in, Mertens chun through ball tha tak pek a ni a, ani hian ball hi tlanpuiin, goal hmazawn lamah Hamsik a pe chho ve leh a, Hamsik hian ball hi lo pet nghalin, pet tha hle mahse goal bar chung chiahah a kal. Liverpool-in an nawr let ve leh nghal zata, mual dinglam atanga Napoli box chhunga ball vawrh luh hlauhawm tak chu goal chhunga thun thei an awm lo.
22mins-ah Liverpool-in goal an khung emaw an ti a, Mane chuan hnai tak atangin mual dinglam atanga ball a hmuh chu lo thun mahse lines-man chuan a flag ken a phara, Mane hi a offside. Darkar chanve chuang hret khelh a nihin Liverpool-in goal an khunga, goal khungtu hi Salah a ni. James Milner chuan Salah hi tha taka ball pe in, Salah hian box chhungah a khalh a, goal dinglam sir tak atangin a ke dinglamin a chhuih goal. Inkhel hmuhnawm ni mahse second half-ah goal luh belh tur a awm lova, chance erawh team hnihte hian an insiam zeuh zeuh reng. Hun tawp dawnah Napoli hian an si phurh an rul teuh hle a, mahse Liverpool keeper manto Alisson Becker a che pui kher mai. Napoli hian goal khat tal khung se chu an chan a that dawn hle laiin goal khat pawh an khung thei lova, si khat faia tlawmin Europa League an khel chhunzawm dawn ta a ni.
Liverpool 1-0 Napoli
(Salah 34')
PLAYER RATINGS
Liverpool: Alisson 8, Alexander-Arnold 7, Matip 6, Van Dijk 7, Robertson 7, Wijnaldum 6, Henderson 7, Milner 7, Mane 5, Salah 9, Fimino 6. Subs: Fabinho N/A, Lovren N/A, Keita 5.
Napoli: Ospina 8, Maksimovic 6, Albiol 7, Koulibaly 7, Rui 6, Callejon 6, Allan, 6 Hamsik 5, Fabian 5, Mertens 5, Insigne 5. Subs: Ghoulam 5, Zielinski 5, Milik 5.