England midfielder Raheem Sterling chuan Liverpool-a contract thar a ziah duh loh hnuah Manchester City a zawm ta a, City hian £49 million laiin Sterling an lei. Sterling chuan kum 5 chhung atan Man City-ah contract a ziak a, kar khat chhungin £180,000 hlawh turin an inrem.
Liverpool supporter te chuan Paige Milian chu a bialpa Sterling-a chhuah chhanah an puh, social networking lamah Paige Milian hian beih a tawk nasa hle a, Liverpool fans 5,000 chuangte chuan Social Networking site pakhat Instagram-ah an beih rawn. Tawngkam chhe tak takin Liverpool supporter te hian Paige Milian hi an bei a.
"Ui nu h*r tih te leh sum a duh em avangin Sterling i chhuah tir.. etc" ti tein Liverpool fans te hian Paige hi an bei a ni. Paige hian hetianga an chilh rawn takah chuan a account chu private-in a dah ta ringawt a, Police te chuan Social media hmanga chi inthliarna lam ti lang an awm takin tiin an vil reng bawk.
Nimin khan Australia-a Pre-season tour an neih naah Man City leh AS Roma te chuan friendly match an khel a, hetah hian Sterling chuan a debut khelin minute thum chiah a la khel tihin goal a khung nghal. Hun pangaiah 2-2 in an inhnehtawk a, penalty shootout hmanga chak zawk zawn a nih hnuah 7-6 in Manchester City chuan hnehna an chang a ni.
(adsbygoogle = window.adsbygoogle || []).push({});