Borussia Dortmund chuan an manger Jurgen Klopp chu an thlah liam dawn ta, tun Inrinni hian German cup final khelh zawh huan Jurgen Klopp chuan Bortmund a chhuahsan dawn.

Jurgen Klopp hian khawi club nge season tharah a enkawl dawn tih tuman kan la hre lo, mahse a thianpa hnena a thusawi Mirror-in a tarlan hi chuan Liverpool manger Brendan Rodgers thin a ti phu dawp dawp ngei ang le.

Klopp chuan Liverpool enkawl a chak thu a sawi chhuah rualin Liverpool-in an ngaihven a nih loh chuan chutia England lam pan mai erawh a rilrua a awm loh thu a sawi tel bawk. Rogers season tharah Liverpool boss a ni leh dawn em tih sawi chian a harsa hle a, Liverpool post season review neih hunah Fenway Sports Group (FSG) hotu Mike Gordon-a mit a tlun leh tlun lovah a innghat dawn a ni.

Liverpool neitu Fenway Sports Group (FSG) te hian Klopp hi an duh ngei a rinawm hle a, tunlai khawvela manager tha a ni a, pawisa tam vaklo pawhin team khawng tak a din theih avangin an sumdawnna atan a tangkai dawn hle niin media te chuan an sawi tan leh tawh.

Tunah hian Klopp hi kum 47 mi chiah a la ni a, Klopp hian Dortmund kha a ngainat em em nachhan pakhat chu Europe top club ni lo mahse fans an neih that em vang a ni a. Chutiang chiahin Liverpool hi tun dinhmunah chuan Europe Club lian ber zing ami ni lo mahse fans an nei tha em em a, England-a lo khel tawh Michael Ballack pawhin Klopp chu England-a hna thawk tur tak a nih thu a sawi a, khawvel mipuite ngainat a nih avangin England-ah hian a hlawhtlin ngei a rin thu a lo sawi ve mek bawk a ni.