Nimin lamah Manchester City chuan a tawp nan Liverpool forward Raheem Sterling chu £40m vela dawr an tum thu leh chu Liverpool chuan an lo hnar a nih chuan chang dang an kan tur thu kan tarlang. Vawiin lamah Liverpool chuan Manchester City chu an lo hnar leh ta a, Man City hian Sterling hi an la dawr leh dawn nge dawn lo an la sawi hrih lo a ni.

Kum 20 mi English forward hi Arsenal leh Real Madrid te pawhin an bia niin bbc chuan a tarlang a. Liverpool hian £50m aia hniam chuan hralh an tum lo hle, hetih lai hian Arsenal leh Real Madrid te chuan Sterling manah hian £50m lai pawh pek an inhuam nia tarlan a ni a, Liverpool fans ten an huat rawn mek chhuah chak Sterling hi Europe Club lian engemaw berah chuan a chhuah ngei rin a ni ta.

Manchester City hian an dawr hmasak berin £25m an thehchhuak a, Liverpool hian an hnar chiang hle. Sterling hian Anfield-ah kum hnih contract a la neih avangin a man hi an chhiar to nia ngaih theih a ni bawk.

2010 khan Sterling hian QPR atangin Liverpool hi a zawm a, 2017 thleng Liverpool-ah contact a nei, Brendan Rodgers chuan Anfield-a cham turin Sterling chu a la duh hle a, kar khat chhungin £100,000 hlawh tura an thlem chung pawhin Sterling hian contract thar a ziak duh ta lo a ni.