Schalke director Horst Heldt chuan Liverpool-in Schalke teenager kum 19-a upa Leroy Sane chu lakluh an duh niin a sawi.
He midfielder tha zet mai hi season kalta khan Champions League a vawikhat khelhna ah Madrid lakah goal a rawn thun nghal a, hriat a hlawh chho tan hle a nih kha.
Europe a club hrang hrangin an dawr tawh niin a lang a, English club lian Liverpool pawh an bang bik chuanglo niin Schalke hotupa hian sawiin, "Club lian tak tak min rawn dawrtu an awm nual a, an zingah hian Liverpool hian pawisa min pek nghal hial pawh an inhuam a ni.
"Hetia min rawn dawrna hi hotute lam bakah a player ber pawh hian a bengkhawn vak lova, kum 2 kalta pawh khan Ajax-in Sane hi lakluh tumin min rawn dawr tawh bawk a ni" tiin a sawi.
Real Madrid laka goal a rawn thun hnu khan Sane hian League lamah game 13 khel tawhin tun season-ah pawh Bundesliga game 7 a khelhah goal 3 lai a thun tling tawh a ni.