Premier League inkhelah tun season-a che tha em em Liverpool chuan London club West Ham an tlawha, Liverpool hian khual mualah si hnih faiin hnehna an chang.

Liverpool tan hian first half-ah Mohamed Salah chuan penalty spot atangin hmahruaina goal a khunga, second half-ah Alex Oxlade-Chamberlain chuan goal khung ve lehin Liverpool hian 2-0 in hnehna an chang.

Liverpool hian khelh an game hmabak an khela, tunah hian midang angin khelh 24 bawk an khel ve tawha, vawi khat chiah point la hlohin hneh loh an la nei lova, Liverpool hian point 19 laiin hma an hruai tawh.

Khelh 24-ah Liverpool hian point 70 lai hlawhchhuak tawhin hmahruaitu an ni chiang hle a, West Ham hian khelh 24-ah point 23 hlawhchhuak tawhin 17-naah an awm mek thung a ni.

He inkhelah hian darkar chanve chuang khelh a nihin Diop chuan Divock Origi chu box chhungah a ti tlua, VAR-in uluk taka a endik hnuah Liverpool lam hi penalty a pe; Aigupta mi Salah chuan penalty hi petin Liverpool goal hmasa zawk a khung.

Second half tir lam deuhah Liverpool hian goal an khung belha, Jordan Henderson chuan midfield-ah ball changin Salah a pass a, Salah hian changtu nei lo Chamberlain a hmu; Salah hian Chamberlain chu nalh taka pass-in Chamberlain hian goal-ah a khung zuia, Liverpool goal hnihna a khung.

72min-ah West Ham hian goal an khung teuh hle a, Trent Alexander-Arnold chu own-goal teuh hle in anmahni si ban a pet per. 78mins-ah Liverpool hian si ban an pet per ve nghala, Salah shot tha tak chu a goal teuh hle a, si ban a per ve leh.

West Ham 0-2 Liverpool

(Salah 35’ pen, Chamberlain 52’)

Player Ratings

West Ham: Fabianski 7, Cresswell 6, Diop 5, Ogbonna 5, Rice 6, Noble 6, Masuaku 5, Snodgrass 7, Lanzini 4, Ngakia 5, Haller 4... Subs: Fornals 6, Cardoso, Ajeti.

Liverpool: Alisson 8, Alexander-Arnold 6, Robertson 7, Van Dijk 7, Gomez 7, Henderson 7, Wijnaldum 7, Oxlade-Chamberlain 8, Salah 9, Origi 6, Firmino 7. Subs: Fabinho 6, Keita 6, Jones N/A.