Liverpool chuan Premier League atanga tla ta Norwich City fullback Jamal Lewis chu an ngaihven niin English chanchinbu te chuan an tarlang.
Liverpool hian Lewis hi Andy Robertson-a thachhangdawltu atan an duh nia sawi a ni a, tun dinhmunah indawrna la kalpui lo mahse Liverpool hian hma an lak thuai a rinawm.
Liverpool hian Northern Irish leftback manah hian pound maktaduai 10 thehchhuah an tum nia sawi a ni a, mahse Norwich hian Lewis-a manah pound maktaduai 20 an duh ve thung nia sawi a ni.
Lewis hian Norwich-ah kum thum daih lai contract a la neih avangin Norwich hian a manah pound maktaduai 20 hmuh theih an inbeisei hle a, Liverpool hian pound maktaduai 10 chuan kum 22 mi hi an lei theih hmel loh.
Liverpool hian Lewis-a chungchangah Norwich hmin nan hian an player Yasser Larouci chu Norwich lamah loan-in emaw a nghetin emaw kal tir an tum nia sawi a ni bawk a ni.