Liverpool chuan an winger Luis Diaz-a nu leh pate bakah, a chhung hnai dangte chu Christmas an hman ho theih nen Liverpool-ah an hruai.

Hmanni lawk khan Colombia-ah Diaz-a nu leh pate hi misual-in an kidnap a, Diaz-a nu Cilenis Marulanda chu chhanchhuah leh nghal ni mah se, Diaz-a pa Luis Manuel Diaz erawh ni 12 zet misual te hian an kawl.

Hetianga an winger Diaz te chhunkuain hun harsa tak an paltlang avang hian Liverpool chuan thlamuang taka Christmas an hman ho theih nan Diaz-a chhungte hi Merseyside-ah an thlawh luh tir fel tawh.

Zirtawpni khan Liverpool hian Diaz-a chhungte phur tur hian a hranpa in thlawhna an charter-a, tunah hian Diaz hi Colombia tan a fehchhuak mek a, international break zawhah a chhungte te nen England lamah an inhmu dawn a ni.

Misualin a pa an kidnap chhung khan Diaz hian Liverpool tan game hnih a khel lo nghe nghe a, tunah erawh a pa pawh him dam taka hmuh leh a ni tawh a, tun kar khan Brazil lakah Diaz hian Colombia tan goal hnih a thun a, he inkhel hi a pa in a hmunah a en a ni.