​Liverpool-in 3-2 in Villa an hneh

27th September 2015, 05:09AM

Daniel Sturridge tak tak kan hmu leh ta, Liverpool tan goal hnih a khung a, 3-2 in Liverpool chuan Anfield-ah Aston Villa an hneh a, August ni 17 hnuah a vawi khat nan Liverpool chuan Premier League-ah hnehna an chang leh ta a ni.

Liverpool tan James Milner chuan tan atanga minute 2 lekah box pawn atangin goal mawi tak a khung a, second half-ah goal li a lut a, Sturridge chuan Liverpool tan goal hnih a khung a, Aston Villa tan Gestde chuan goal hnih a khung bawk a ni.

Liverpool 3-2 Aston Villa

(Milner 2′ Sturridge 59′, 67) (Gestede 66′, 71′)

PLAYER RATINGS (data source : eurosport)

Liverpool: Mignolet 6, Clyne 7, Skrtel 6, Sakho 6, Moreno 7, Can 7, Lucas 7, Milner 9, Coutinho 8, Ings 7, Sturridge 9.

Subs: Allen 6.

Aston Villa: Guzan 8, Hutton 6, Richards 7, Lescott 6, Amavi 6, Sanchez 5, Gana 5, Westwood 6, Gestede 8, Grealish 5, Sinclair 6.

Subs: Veretout 5, Traore 7.

Tan atanga second 66-na lekah Liverpool midfielder Milner chuan 20 yards atangin goal mawi tak a khung a, si khat faiin Liverpool chuan first half-ah hma an hruai a. Second half 59th mins-ah Sturridge chuan a class a rawn pho chhuak leh ta.

Milner nen an in one-two a, Sturridge hian kawh zetin a volley, a goal mawi hle, Villa tan Rudy Gestede chuan goal khat a rawn khung ve leh hlauh a, inkhel a tang chho leh dawn viau nia a lan laiin Coutinho ball pek tha zet chu Sturridge chuan goal-ah a chantir leh a, he goal luh dan hi a mawi khawp mai. Team game mawi tak kan hmu a, Villa attacking third-ah Liverpool hmatawngte in pass kual vel dan kha a mawi thlawt a ni.

71st mins-ah Rudy Gestede chuan Villa tan goal hnihna a tauh lut leh a, mahse Villa hian goal dang an khung thei tawh lo, 3-2 in Liverpool chuan hnehna an chang ta a ni. He match hi Brendan Rodgers tan chuan a pawimawh hle a, results an neih chhiat em em avangin ban a ni dawn nge dawn lo tih chu media te chaw tu ber a ni.

Borussia Dortmund coach hlui Jurgen Klopp chu Liverpool thuneituten an bia niin media ten an sawi. Pressure sang tak nen hun a hman mek laiin Sturridge a rawn dam chho leh ta a, kumin March thlaa a goal khung kha Sturridge chuan a rawn chhunzawm leh ta a, kum 26 mi hian hattrick siam theihna chance tha tak nei mahse Micah Richards a paltlang zo lova, goal dang a khung belh ta lo a ni.

Liverpool boss Brendan Rodgers chuan,"Sturridge chuan kum khat chhung teh meuh mai kan tlakchham a rawn phuhru ta a, danglamna a rawn siam, a goal khung kha a ropui hle mai. 100% in a fit chho mek a, hun reilote chhungin ngai a rawn awh leh ngei dawn a ni," tiin a sawi.

Copyright © inkhel.com 2024. All rights reserved.