Liverpool chuan Steven Gerrard hmunruak hnawhkhat turin Inter Milan midfielder Mateo Kovacic lakluh an tum niin tarlan a ni.
Kum 21 mi Kovacic hi Arsenal pawhin lakluh an lo tum tawh a, tun thla tir khan £7.5m senga lei an tumna Inter hian an hnarsak niin sawi a ni bawk.
The Reds hian £7.5m sen huamin Inter hi an dawr a, hnawlsak an ni a Italian club hian £18m ai tlawm chuan Croatian midfielder hi hralh an phal lo niin sawi a ni.
Italian chanchinbu Gazzetta dello Sport-in a tarlan dan chuan Liverpool hian Inter Milan hi dawr nawn leh an tum.
Kovacic hian tun season-ah khan Inter Milan tan goal nga a khung.
An sqaud thawm that tuma hma la mek Liverpool hian Burnley striker Danny Ings leh Manchester City striker Edin Dzeko-te pawh an tlarhma lam tichak tura lakluh an duh niin sawi a ni.