​Liverpool chuan £32.5m-in Benteke an chang dawn ta ?

06th July 2015, 07:07PM

Brendan Rodgers chuan Belgian striker Christian Benteke chu Aston Villa atangin buy-out clause nen £32.5m in a lei dawn ta niin express chuan a tarlang.

Liverpool hian team thuam that nan £80m dawn a hmang dawn ta tihna a ni a, Rodgers hian kar hmasa lawk khan Southampton defender Nathaniel Clyne chu £12.5m in a lei a, ani kha tun nipui bazara Liverpool player lei 6-na a ni.

Kum 24 mi Villa striker hian kum thum liamta khan Genk atangin Villa £7m lekin zawm mahse Villa tan game 101 atangin goal 49 a thun tling tawh a, Premier League striker HOT ber pawl a ni chho, Arsenal leh Tottenham te pawhin duh hle mahse Liverpool chuan £32.5m in an lei chhuak dawn ta niin a lang.

Liverpool hian nikuma Suarez an chhuah tir hnu khan striker duhthusam an nei leh hrih tawh lova, Suarez hmunruak luah khat zo an awm hrih lo, Brendan chuan Hoffenheim atangin Brazil forward Roberto Firmino an lei tawh a, Burnley atangin Danny Ings an la tawh bawk a, Benteke an neih phei chuan Sturridge te ho nen Premier League hmatawng tha ber pawl an ni thei tura ngaih a ni.

Photo Credit : Getty Images

Copyright © inkhel.com 2024. All rights reserved.