Barcelona striker Robert Lewandowski chuan tun nipuia Barcelona pan turin Messi a sawm a, khelmuala thawhpui a chak zia thu a sawi chhuak bawk. 

A contract tawp hunah Messi chuan Paris Saint-Germain a chhuahsan dawn a, French capital-ah hian kum 2 chhung a cham. 

Kum 2021 khan Messi leh Barcelona chu  lungthlu lo takin an inthen a, sum lama harsatna an tawh avangin Barcelona chuan Messi kha contract thar an ziahpui thei lo a nih kha.

Barcelona chuan tun nipui atana an ruahmannate tipuitling turin La Liga approval an nghak mek niin media lam chuan an tarlang a, an plan-ah hian Messi lak luh pawh a tel. 

"Leo-a'n Barcelona a lo pan hun hi kan nghak reng thin. A lo kir ngei ka beisei bawk. Hun rei loteah thu rintlak tak kan hriat vat beisei ang.

"Khelhpui a nuam tih ka hria a, Leo nen hian eng position-ah pawh nuam ti takin a khelh theih. Leo hi eng team pawhin an awh em em player a ni. 

"Barcelona legend a ni ringawt lo a, club thlak danglamtu a ni. Barcelona-a a lo kir chuan a ropui ngawt ang," tiin Lewandowski chuan a sawi.