01 Oct 2018 02:40

inkhel

Lewis Hamilton a champion teuh tawh

Lewis Hamilton chu Pathiannia Sochi, Russia a Russian Grand Prix-ah pakhatna a ni a, a vawi 5-na atan Formula One champion nih a hnaih tawh hle.

Mercedes driver Lewis Hamilton hi amah hnaih bertu Ferrari driver Sebastian Vettel aiin point 50 in a sang tawh zawk a, vawi 5 intlansiak tur la awmah Hamilton hi champion turin a dinhmun a tha tawh hle a, Vettel nen hian F1 title vawi 5-na lak an tum ve ve a ni.

Lap 25 an tlan laiin Vettel chuan Hamilton chu a um pha teuh hle a, mahse Mercedes team chuan a hma bera tlan Valtteri Bottas chu an bia a, a team-mate Hamilton chu a inlehpelhtir a, British driver Hamilton hi pakhatna a nih zui theih phah a ni.

Hamilton chu tun season chhunga a vawi 8 chakna a ni ta a, intlansiak hnuhnung parukah vawi nga chu a chak ber tawh a ni. Bottas chuan tun season-a a vawi khat chakna tur chu a team-mate hnenah a hlan ta a ni ber a, Hamilton kian lo ta se chak ber a ni ve thei ang a, Hamilton leh Vettel inkar erawh a zim deuh hret thung dawn a ni.

Bottas chu pahnihna a ni ta a, a hnungah hian Ferrari driver pahnih an thleng ve a, Vettel chu pathumna niin a team-mate Kimi Raikkonen chu palina a ni bawk a. Red Bull driver Max Verstappen chu pangana niin, a team-mate Daniel Ricciardo chu parukna a ni ve bawk a ni.

Sauber driver Charles Leclerc chu pasarihna a ni a, Haas driver Kevin Magnussen chu pariatna a ni bawk a. Pakuanaah Force India driver Esteban Ocon chu awmin sawmnaah Force India driver pakhat zawk Sergio Perez chu a awm bawk a ni.

Russian Grand Prix Result:

1. Lewis Hamilton - Mercedes - 1:27:32.05

2. Valtteri Bottas - Mercedes - +0:02.545

3. Sebastian Vettel - Ferrari +0:07.487

4. Kimi Raikkonen - Ferrari - +0:16.543

5. Max Verstappen - Red Bull - +0:31.016

6. Daniel Ricciardo - Red Bull - +1:20.451

7. Charles Leclerc - Sauber - +1:38.390

8. Kevin Magnussen - Haas - Lapped

9. Esteban Ocon - Force India - Lapped

10. Sergio Perez - Force India - Lapped

11. Romain Grosjean - Haas - Lapped

12. Nico Hulkenberg - Renault - Lapped

13. Marcus Ericsson - Sauber - Lapped

14. Fernando Alonso - McLaren - Lapped

15. Lance Stroll - Williams - Lapped

16. Stoffel Vandoorne - McLaren - Lapped

17. Carlos Sainz - Renault - Lapped

18. Sergey Sirotkin - Williams - Lapped

19. Pierre Gasly - Toro Rosso - Retired

20. Brendon Hartley - Toro Rosso - Retired

Driver’s Championship:

1. Lewis Hamilton, Mercedes - 306

2. Sebastian Vettel, Ferrari - 256

3. Valtteri Bottas, Mercedes - 189

4. Kimi Raikkonen, Ferrari - 186

5. Max Verstappen, Red Bull - 158

6. Daniel Ricciardo, Red Bull - 134

7. Kevin Magnussen, Haas - 53

8. Nico Hulkenberg, Renault - 53

9. Fernando Alonso, McLaren - 50

10. Sergio Perez, Force India - 47

11. Esteban Ocon, Force India - 47

12. Carlos Sainz, Renault - 38

13. Pierre Gasly, Toro Rosso - 28

14. Romain Grosjean, Haas - 27

15. Charles Leclerc, Sauber - 21

16. Stoffel Vandoorne, McLaren - 8

17. Lance Stroll, Williams - 6

18. Marcus Ericsson, Sauber - 6

19. Brendon Hartley, Toro Rosso - 2

20. Sergey Sirotkin, Williams - 1

Constructors’ Championship:

1. Mercedes - 495

2. Ferrari - 442

3. Red Bull - 292

4. Renault - 91

5. Haas - 80

6. McLaren - 58

7. Force India - 35

8. Toro Rosso - 30

9. Sauber - 27

10. Williams - 7